Albert AlcaineCridar un mainatge, dar-li un bohet o gigotar-lo entà per’mor de disciplinar-lo de forma reïterada, provòque cambis en sòn cervèth que, ena adolescéncia, les dificulte era gestion des emocions e dera pòur
Accions coma aguestes pòt alterar es circuits cerebraus dera pòur , d’acòrd damb es resultats d’un estudi hèt per investigadors deth Centre Espitalari Universitari de Sainte-Justine, dera Universitat de Montreal, en Canadà.
Com mès severa ei era disciplina en casa, mès probabilitats i a qu’es hilhs acaben en tot desafiar es pairs damb comportaments antisociaus e agressius.
Es resultats, publicadi a Biological Psychology mòstren qu’es efèctes d’aguest tipe de criança repressiva se pòden veir non solaments en eth comportament des mainatges quan arriben ena adolescéncia, mès tanben ena forma qu’es sòns cervèths tracten era pòur. Quan arriben ena adolescéncia, dificilament pòden diferenciar aquerò qu’ei aterridor deth que non ac ei. Ath delà, an dificultats entà identificar es sues emocions .
Enquia ara era majoria des investigacions s’auien centrat enes pejors casi de desfortuna, ei a díder, mainatges mautractadi, abandonadi o atengudi pes Servicis Sociaus, mès aguest estudi a volut aprigondir ena desfortuna mès “benigna”, es pairs que soent criden, bufetegen o gigoten es hilhs entà per’mor d’escancariar-les.
En estudi, se metec en evidéncia qu’es adolescents que non auien agut ua enfància repressiva poderen distinguir ua estimulacion aterridor d’un aute de tranquillizador, mès es auti joens tractèren, cerebraument, totes dues estimulacions dera madeisha manèra. Tanben s’observèren diferéncies ena comunicacion entre era amígdala e era insula, ua region deth cervèth a on, entre autes causes, gerís es sensacions visceraus coma era ànsia.
Quan se redusís era comunicacion entre aguestes regions, es persones sofrissen parrabastatges depressius e d’ànsia , ua reduccion dera consciéncia emocionau e, mens consciéncia d’aquerò que senten e, se senten quauquarren, non pòden exprimí’c en paraules.
Ei facil pèrder era paciéncia e deishar-se portar, mès cau susvelhar d’accions impulsives pòc idonèes.
Pes mainatges, eth ton dera tua votz ei important, e exprimís fòrça mès qu’es tues paraules: ei atau coma les transmetes es tues emocions.
Era manèra que parlam as mainatges, era caudesa que remanam e er equilibri emocionau càmbie eth sòn cervèth en ua direccion o era auta. Per contra, era comunicacion agressiva e es crits les genèren un estrès que les ei contraproduent. Eth ton e era modulacion son trèti de grana importància.
Qué a mès impacte emocionau entà un bebè: es votzes o es cares des sòns progenitors? Era votz prima, un shinhau mès, qu’era simpla expression faciau.
Quan un bebè acabe de nèisher, era sua vision ei fòrça borrosa, e se plan ei cèrt que totara aprenen a diferenciar ues cares des autes, son es votzes çò que capten eth sòn interès e es qu’actuen coma gran canau emocionau. Encara mès, acabat de nèisher ja coneish era sua mair pr’amor que s’a abituat ara sua votz pendent mesi ath laguens deth sòn úter .
A viatges, quasi sense encuedar-mo’n, acabam en tot hèr un crit, e se non ei un crit ei eth ton dera nòsta votz çò que se torne amenaçador. Ac hèm pr’amor que mos hèsquen cas, que quiten d’èster disruptius o, simplament, per desfogar-nos dempús d’ua conducta negatiua des petiti: dempús deth crit ven eth penediment e mos sentem mau, pr’amor que sabem qu’es crits non eduquen.
Era votz ei un canau poderós ara ora de validar e refortilhar era autoestima infantila: cau parlar damb respècte e afècte pr’amor que se senten segurs, estimadi e comòdes damb nosates.
Era emocion se remane, sustot, ena nòsta entonacion: un ton tranquil e un timbre ajustat atau coma ua modulacion serena acompanhada d’ua articulacion non massa precipitada resulten gratificantes peth cervèth infantil . Se tracte solament d’açò: parlar clar, pòga pòc e de manèra afectuosa.
Se se pòrten mau, non ei obstacle pr’amor que les guardam damb expression de enuig s’ei justificat: aguesta emocion hè part dera paredèra de sentiments des umans, e non a arren dolent qu’es mainatges veiguen ena nòsta expression eth reflèxe deth enfadament, mès era expression no’e li calerie acompanhar de crits ne de menaces.
Era expression dera nòsta cara les informe d’aquerò que sentem, mès era votz e era comunicacion les eduque.
Com ac ves? Penses qu’ei un abordatge fòrça idealitzat o ei possible?
📎 Alcaine, A. [Albert]. (2024, 10 setembre). Era repression des pairs afècte eth cervèth dera mainadèra. PsicoPop. https://www.psicopop.top/oc/era-repression-des-pairs-afecte-eth-cerveth-dera-mainadera/
📖 Referéncies:
Durant un cèrt temps trabalhè damb mainatges e maugrat qu’auie estruments entà saber coma educar-les a trauès deth lleure o ben dera escòla. Compreni que non ei facil pes pairs e mai se son primarencs.
Donques, escridassar o renyar continuament non servís, pr’amor que hè efècte contrari.
Sò tostemp partidària qu’un còp an hèt ua causa mau, se les a de hèr a compréner es causes de manèra fòrça tranquil.la.
Que pensen qu’an hèt mau e se cau a cercar un lòc que sigue eth racó des pensaments, pr’amor qu’atau sosquen per un aute còp
Ei important saber gestionar es emocions en situacions fòrça intènses entà saber disciplinar e educar sense exercir violéncia fisica e psicologica, pr’amor que çò mos permet auer ua bona relacion damb es mainatges, e tanben les permet auer es recorsi necessaris entà afrontar un mau moment dera melhor manera possibla. Tanben ei important cuedar eth ton de votz e es paraules, pr’amor que çò determine eth comportament deth mainatge a long termini: Es mainatges aprenen per imitacion e ei necessari tier en compde qu’eth nòste estil de counicacion ei eth sòn modèl.
Ua bona estratégia entà evitar èster impulsiu, ei hèr tantes respiracions coma sigue de besonh entà calmar-se prò com entà respóner racionaument. Se un mainatge non mos hè cas ara primèra, enlòc tà cridar, podèm posar-li limits de forma assertiua.
Per auta banda, s’es mainatges se pòrten mau, ei normau èster enfadadi, mès ei important d’utilizar ua comunicacion non violenta.
Jo ei d’acord en tout lo que aguest article dide. Jo sò mestra eth jo puc vier cada dia coma de important ei la notra votz e eth ton per transmetre açò que èm vol dider. Tanben, coma d’importants son les emocions, identificar-les eth expressar-les. Ei fundamental que dans la família nosati fomentem un context caud e armonic ei les mainatges puguen créixer de manera afectuosa…
Tota era arrason, mès pensi qu’actuauments fòrça pairs non ajuden massa. Ei a díder mèstres e pairs fòrça còps non van amassa des mans